ဇူလိုင်လ ၁၈ ရက်နေ့ အတွက် ရရှိထားသမျှ စိတ်ဝင်စားစရာ လာလီဂါ ထိပ်တန်း ကလပ်တွေရဲ့ အပြောင်းအရွှေ့ သတင်းတွေကို ဖော်ပြပေးသွားမှာ ဖြစ်ပါတယ်။
ရီးရဲလ်မက်ဒရစ် ကတော့ ချဲလ်ဆီး ကွင်းလယ်လူ အန်ဇို ဖာနန်ဒက်ဇ်ကို ယူရိုသန်း ၁၅၀ နဲ့ ကမ်းလှမ်းဖို့ အဆင်သင့် ဖြစ်နေကြောင်း သတင်းတွေ ထွက်နေပါတယ်။ ဒါပေမယ့်လည်း လာလီဂါ ကလပ်က ရိုဒရီဂို၊ ကာမာဗင်ဂါ၊ ဖရန် ဂါစီယာကို အရင်ဆုံး ရောင်းချရမယ်လို့ သိရပါတယ်။
ချဲလ်ဆီး ကတော့ ရိုဒရီဂိုကို စတန်းဖို့ဒ်ဘရစ်ချ်ကို ခေါ်ဆောင်နိုင်ဖို့ အတွက် နည်းလမ်း ရှာဖွေနေကြောင်း Defensa Central က ဖော်ပြပါတယ်။ သတင်းတွေအရ ဆိုရင်တော့ ရီးရဲလ်မက်ဒရစ်နဲ့ ချဲလ်ဆီး အသင်းကြားမှာ စီးပွားရေး အရ အကျိုးအမြတ် ရှိနိုင်မယ့် အခြေအနေမျိုး စီစဉ်သွားဖို့ ရှိနေတယ်လို့ သိရပါတယ်။ လက်ရှိမှာ ရိုဒရီဂိုကို ချဲလ်ဆီးရဲ့ မြို့ခံ ပြိုင်ဘက် အာဆင်နယ် ကလည်း ခေါ်ယူဖို့ စောင့်ကြည့်နေပါတယ်။
လာလီဂါ ကလပ် ဂီတာဖေး ကတော့ ရီးရဲလ်မက်ဒရစ် တိုက်စစ်မှူးဟောင်း လူကာ ယိုဗစ်ကို ခေါ်ယူဖို့ လုပ်ဆောင်နေကြောင်း AS က ဖော်ပြခဲ့ပါတယ်။ ဆားဘီးယား လက်ရွေးစင် ကတော့ အေစီမီလန် ကနေ ထွက်ခွာပြီးနောက် လက်ရှိမှာ အလွတ် အေးဂျင့် ဖြစ်နေပါတယ်။
မန်ချက်စတာယူနိုက်တက်ဟာ မားကပ်စ် ရက်ရှ်ဖို့ဒ်နဲ့ ပတ်သက်လို့ ဘာစီလိုနာရဲ့ ကနဦး ညှိနှိုင်းမှုကို လျင်မြန်စွာ ပယ်ချခဲ့ပေမယ့် ရူဘင် အမော်ရင် ကတော့ ကွင်းလယ်လူ ဖာမင်း လိုပက်ဇ်နဲ့ အလဲအလှယ်လုပ်ဖို့ ကမ်းလှမ်းမှု တစ်ခုကို အဆိုပြုခဲ့တယ်လို့ El Nacional က အခိုင်အမာ ဖော်ပြခဲ့ပါတယ်။
SPORT ရဲ့ ဖော်ပြချက်အရ ရက်ရှ်ဖို့ဒ် ကတော့ ဒီနွေရာသီမှာ ဘာစီလိုနာကို ပြောင်းရွှေ့ဖို့ စိတ်ပိုင်းဖြတ်ထားဆဲ ဖြစ်ကြောင်း သိရပါတယ်။ ဂျူဗင်တပ်စ် ကတော့ ရက်ရှ်ဖို့ဒ်ကို ကြားဖြတ် ခေါ်ယူဖို့ စဉ်စားထားပြီး ဆွေးနွေးမှုတွေ တိုးတက်လာဖို့ မျှော်လင့်ထားကြောင်း သိရပါတယ်။ ရက်ရှ်ဖို့ဒ် ကတော့ ဘေယန်မြူးနစ်၊ ချဲလ်ဆီးနဲ့ လစ်ဗာပူးလ်တို့ အားလုံးက စိတ်ဝင်စားနေကြပေမယ့် ဘာစီလိုနာ ကိုသာ ပြောင်းရွှေ့ဖို့ ဆုံးဖြတ်ထားတာ ဖြစ်ပါတယ်။
ဘာစီလိုနာ ကတော့ ရေယန် ဘာဂျီကို ခေါ်ယူဖို့ အခွင့်အရေး ရှာဖွေနေကြောင်း သိရပါတယ်။ ဒီကစားသမား ကတော့ ကိုပင်ဟေဂင်နဲ့ စာချုပ်သက်တမ်းကုန်ဆုံးတော့မှာ ဖြစ်ပြီး ဘာစီလိုနာက အလွတ် ပြောင်းရွှေ့ကြေးနဲ့ ခေါ်ယူဖို့ ဆန္ဒရှိနေပါတယ်။ ကိုပင်ဟေဂင် ကလည်း စာချုပ်သစ် အတွက် သဘောတူညီမှု ရရှိဖို့ ကြိုးပမ်းနေပေမယ့်လည်း လက်ရှိအချိန်ထိ အပြောင်းအရွှေ့ အတွက် ဖွင့်လှစ်ထားဆဲ ဖြစ်ပါတယ်။
ဘာစီလိုနာ ကွင်းလယ်လူဟောင်း သီယာဂို အဲလ်ကန်တာယာ ကတော့ ဟန်ဆီ ဖလစ်ခ်ရဲ့ နည်းပြ အဖွဲ့နဲ့ ပူးပေါင်းဖို့ ရှိနေကြောင်း သိရပါတယ်။ ဘေယန်မြူးနစ်၊ လစ်ဗာပူးလ် တို့မှာ ကစားခဲ့ဖူးတဲ့ စပိန်သား ကတော့ ဘာစီလိုနာ အကယ်ဒမီထွက် ကစားသမား ဖြစ်ပြီး စီနီယာ အသင်းကြီးနဲ့ အတူ ၅ ရာသီကြာ ဖြတ်သန်းခဲ့သူ ဖြစ်ပါတယ်။
GiveMe Sport ရဲ့ ဖော်ပြချက်အရ ဆော်ဒီပရိုလိဂ်ဟာ ဗင်နီးစီးယက်စ် ဂျူနီယာကို ၁ ဘီလီယံ တန်ကြေး ရှိတဲ့ လုပ်ခလစာနဲ့ ၅ နှစ် စာချုပ်ချုပ်ဆိုဖို့ ကမ်းလှမ်းခဲ့ကြောင်း သိရပါတယ်။ ဗင်နီးစီးယပ်စ် ကတော့ လာလီဂါ ကလပ် ကနေ ထွက်ခွာဖို့ အတွက် သတင်းတွေကြီးနေသူ ဖြစ်ပြီး ကလပ် ဘက်ကလည်း မြင့်မားတဲ့ ပြောင်းရွှေ့ကြေး ရရင် လက်လွှတ်သွားဖို့ ရှိနေပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
