ပရီးမီးယားလိဂ် ထိပ်သီး ကလပ် မန်ချက်စတာစီးတီး ကတော့ အသင်းရဲ့ ဝါရင့် ကွင်းလယ်လူ ကီဗင် ဒီဘရွန်းနားကို စာချုပ် သက်တမ်းတိုးဖို့ ဆွေးနွေးထားခြင်း မရှိသေးကြောင်း သိရပါတယ်။ ဒီကိစ္စနဲ့ ပတ်သတ်ပြီး ကစားသမား ဖြစ်သူက ဖွင့်ဟလာခဲ့တာ ဖြစ်ပြီး အသင်း ဘက်ကလည်း ဒီဘရွန်းနားကို စာချုပ် သက်တမ်းတိုးလိုတဲ့ အခြေအနေမျိုး မမြင်ရသေးပါဘူး။
အသက် ၃၃ နှစ် အရွယ် ရှိပြီ ဖြစ်တဲ့ ဒီဘရွန်းနားက အသက်အရွယ် အားဖြင့် ကစားသမားဘဝ နေဝင်ချိန်ကို ရောက်ရှိနေပြီ ဖြစ်သလို မကြာခဏ ဆိုသလို ဒဏ်ရာရရှိနေတာကြောင့်လည်း အသင်း ဘက်က စိတ်ပျက်နေတဲ့ သဘောမှာ ရှိပါတယ်။ ဒီဘရွန်းနားက လာမယ့် နွေရာသီမှာ မန်စီးတီးနဲ့ စာချုပ် သက်တမ်း ကုန်ဆုံးမှာ ဖြစ်ပြီးတော့ မိသားစု အတွက် ဦးစားပေးရမယ့် အချိန်ကို ရောက်ရှိနေပြီ ဖြစ်ကြောင်း ပြောကြားခဲ့ဖူးပါတယ်။ ဒါ့အပြင် ဒီဘရွန်းနားဟာ လက်ရှိ နည်းပြ ပပ် ဂွါဒီယိုလာ နဲ့လည်း ဆက်ဆံရေး အဆင်မပြေ ဖြစ်ခဲ့ကြောင်း သတင်းတွေ ထွက်ခဲ့ဖူးသူ ဖြစ်ပါတယ်။
ဘယ်လ်ဂျီယံ ကွင်းလယ် ဖန်တီးရှင် ကီဗင် ဒီဘရွန်းနားဟာ ပရီးမီးယားလိဂ်ကို ၂၀၁၅ ခုနှစ်မှာ ရောက်ရှိလာခဲ့ပြီးတော့ မန်စီးတီး အတွက် ပွဲပေါင်း ၃၉၉ ပွဲ ကစားထားကာ ၁၀၄ ဂိုး သွင်းယူကာ ဖန်တီးမှု များစွာလည်း ပြုလုပ်ထားပါတယ်။ ဒီဘရွန်းနားက မန်စီးတီးရဲ့ အဓိက ကစားသမား တစ်ဦး အဖြစ် ကာလရှည်ကြာ ခြေစွမ်းပြခဲ့သူ ဖြစ်ပေမယ့် လက်ရှိမှာတော့ အသက်အရွယ်ကြောင့် မန်စီးတီး ဘက်က သက်တမ်းတိုးဖို့ တွန့်ဆုတ်နေတာလည်း ဖြစ်ပါတယ်။
သတင်းတွေအရ ဆိုရင် မန်စီးတီးနဲ့ စာချုပ်သက်တမ်း ကုန်ဆုံးရင် အသင်း ကနေ ထွက်ခွာဖို့ များနေတဲ့ ဒီဘရွန်းနားက မေဂျာလိဂ် ဒါမှမဟုတ် ဆော်ဒီပရိုလိဂ် ကလပ် တစ်သင်းသင်းကို ပြောင်းရွှေ့သွားဖွယ် ရှိနေတာ ဖြစ်ပါတယ်။ လက်ရှိ အချိန်မှာလည်း ဒီဘရွန်းနား ကိုယ်တိုင်က စာချုပ်သစ် ကိစ္စနဲ့ ပတ်သက်လို့ မန်စီးတီးနဲ့ ဆွေးနွေးရခြင်း မရှိသေးကြောင်း ဖွင့်ဟ ပြောကြားလာခဲ့တာ ဖြစ်ပါတယ်။
ဒီဘရွန်းနားက စာချုပ်သစ် ကိစ္စနဲ့ ပတ်သတ်လို့ “နိုး၊ ကျွန်တော်တို့ ဘာမှ မဆွေးနွေးရသေးပါဘူး။” လို့ ပြောကြားခဲ့တာ ဖြစ်ပါတယ်။ ဒါပေမယ့်လည်း ဆွေးနွေးဖို့ ဆန္ဒရှိလားလို့ မေးမြန်းရာမှာတော့ ဒီဘရွန်းနားက ဆန္ဒရှိကြောင်း ပြောဆိုခဲ့တယ်လို့ သိရပါတယ်။ ဒီဘရွန်းနားဟာ ပရီးမီးယားလိဂ် ကလပ်နဲ့ စာချုပ် သက်တမ်း နောက်ဆုံး နှစ်ထဲသို့ ရောက်ရှိနေပြီ ဖြစ်ပါတယ်။ ဒါကြောင့် ဒီဘရွန်းနား အနေနဲ့ လာမယ့် ဇန်နဝါရီ အပြောင်းအရွှေ့ မှာတော့ သူ့ကို ခေါ်ယူဖို့ စိတ်ဝင်စားနေတဲ့ အသင်းတွေနဲ့ တရားဝင် ဆွေးနွေး ညှိနှိုင်းခွင့် ရရှိမှာလည်း ဖြစ်ပါတယ်။
ဒီဘရွန်းနားကို မေဂျာလိဂ် ကလပ်တွေနဲ့ ဆော်ဒီပရိုလိဂ် ကလပ် တော်တော်များများက ခေါ်ယူဖို့ စိတ်ဝင်စားနေသလို၊ တူရကီ ထိပ်သီး ကလပ် ဖီနာဘာချီ ကလည်း စိတ်ဝင်စားနေတယ်လို့ သိရပါတယ်။ သတင်းတွေအရ ဆိုရင်တော့ ဖီနာဘာချီက ဒီဘရွန်းနားကို တစ်ပတ် လုပ်ခ ပေါင် ၂ သိန်းခွဲနဲ့ ကမ်းလှမ်းဖွယ် ရှိနေတယ်လို့ သိရပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
