အခုတစ်ခါမှာတော့ နိုဝင်ဘာလ ၂၉ ရက်နေ့ အတွက် ရရှိထားသမျှ ပရီးမီးယားလိဂ်ရဲ့ စိတ်ဝင်စားစရာ သတင်းတွေကို ဖော်ပြပေးသွားမှာ ဖြစ်ပါတယ်။
မန်ချက်စတာယူနိုက်တက် ကတော့ ၂၀၂၆ ခုနှစ်မှာ လစ်ဗာပူးလ်ကို ပြောင်းရွှေ့ဖို့ ရေပန်းစားနေဆဲ ဖြစ်တဲ့ အန်တိုနီ ဆီမီညိုကို ခေါ်ယူဖို့ ကြိုးပမ်းသွားမှာ ဖြစ်ပါတယ်။ ဆီမီညို ကတော့ ဒီရာသီမှာ ဘုန်းမောက် အတွက် ဆက်တိုက် ခြေစွမ်းပြနေတာကြောင့် ပရီးမီးယားလိဂ် ထိပ်တန်း ကလပ်တွေရဲ့ ပစ်မှတ်ထားခြင်း ခံနေရတာ ဖြစ်ပါတယ်။
တစ်ချိန်တည်းမှာပဲ ဆာဂျင်မ် ရက်ကလစ်ဖ်နဲ့ INEOS တို့ဟာ ရီးရဲလ်မက်ဒရစ် တောင်ပံ ကစားသမား ဗင်နီးစီးယပ်စ် ဂျူနီယာ အတွက် ယူရို ၂၀၀ သန်း (ပေါင် ၁၇၅.၃ သန်း၊ ဒေါ်လာ ၂၃၁.၈ သန်း) အသုံးပြုကာ ကမ်းလှမ်းဖို့ ခွင့်ပြုပေးခဲ့ကြောင်း Defensa Centralက ဖော်ပြပါတယ်။
ချဲလ်ဆီး ကတော့ မိုင်းလ်စ် လီဝစ် စကယ်လီကို ခါးသီး ပြိုင်ဘက် အာဆင်နယ် ဆီကနေ ဆွဲထုတ် ခေါ်ယူဖို့ အဆင်သင့် ဖြစ်နေကြောင်း သိရပါတယ်။ ဒါပေမယ့်လည်း ချဲလ်ဆီးက လာမယ့် ဇန်နဝါရီမှာ နော့တင်ဟမ်ဖောရက်စ် ဗဟိုနောက်ခံလူ မူရီလိုကို ခေါ်ယူချင်နေဆဲ ဖြစ်ပါတယ်။ ဖောရက်စ် ကတော့ သူတို့ရဲ့ ကစားသမားကို အသင်း ကနေ ထွက်ခွာခွင့် ပိတ်ပင်ဖို့ ကြိုးပမ်းနေပါတယ်။
ရီးရဲလ်မက်ဒရစ်ရဲ့ စိတ်ဝင်စားမှုတွေ အဆုံးသတ်သွားခဲ့ပြီးနောက် အီဘရာဟီမာ ကိုနာတေး ကတော့ လစ်ဗာပူးလ်နဲ့ စာချုပ်သစ် ချုပ်ဆိုဖို့ နီးစပ်ကြောင်း TEAMtalk က ဖော်ပြပါတယ်။ ဒါပေမယ့်လည်း အသင်း နှစ်သင်း အကြားမှာ သဘောတူညီချက်တွေ ရှိနေဆဲ ဖြစ်ပါတယ်။
လစ်ဗာပူးလ်ဟာ ရီးရဲလ်မက်ဒရစ် ကွင်းလယ် ကစားသမား အော်ရီလီယန် ချူအာမန်နီကို ခေါ်ယူဖို့ မျှော်လင့်နေပေမယ့် အသင်းဖော် အက်ဒူယာဒို ကာမာဗင်ဂါကို ခေါ်ယူဖို့ ကတော့ ပိုပြီး လက်တွေ့ကျတဲ့ ရွေးချယ်စရာ တစ်ခု ရှိနေပါတယ်။
ပရီးမီးယားလိဂ် ထိပ်သီး မန်ချက်စတာစီးတီး ကတော့ နယူးကာဆယ်ယူနိုက်တက် ညာနောက်ခံလူ တီနို လစ်ဗရာမန်တိုကို ခေါ်ယူဖို့ စိတ်ဝင်စားနေဆဲ ဖြစ်ပါတယ်။ ဒါပေမယ့်လည်း လက်ရှိအချိန် မှာတော့ ဒီကစားသမား အပေါ် မန်ချက်စတာယူနိုက်တက်နဲ့ အာဆင်နယ် နှစ်သင်းစလုံးက စိတ်ဝင်စားမှု ပြသထားပါတယ်။
အဲဗာတန် တောင်ပံ ကစားသမား အီလီမန် အန်ဒီယာရီရဲ့ ကိုယ်စားလှယ်တွေဟာ လာမယ့် နွေရာသီမှာ ကြီးမားတဲ့ အပြောင်းအရွှေ့ အတွက် လစ်ဗာပူးလ်၊ မန်ချက်စတာစီးတီး၊ တော့တင်ဟမ်ဟော့စပါး တို့နဲ့ ဆွေးနွေးမှုတွေ ပြုလုပ်ခဲ့ကြောင်း Foot Mercato က ဖော်ပြပါတယ်။
ဝုဗ်ဗာဟမ်တန်ဝမ်းဒါးရားစ် ကွင်းလယ် ကစားသမား ယာအို ဂိုးမက်စ် ကတော့ ဇန်နဝါရီ အပြောင်းအရွှေ့ ကာလ အစောပိုင်းမှာ မန်ချက်စတာယူနိုက်တက်ကို ပြောင်းရွှေ့ဖို့ စိတ်အားထက်သန်နေပါတယ်။
တော့တင်ဟမ်ဟော့စပါးနဲ့ ဝက်စ်ဟမ်းယူနိုက်တက် နှစ်သင်းစလုံးရဲ့ စိတ်ဝင်စားမှုတွေ ရှိနေပေမယ့် အိုင်ဗန် တိုနေး ကတော့ ဇန်နဝါရီမှာ ဆော်ဒီအာရေဗျ ကလပ် အဲလ်အာလီ ကနေ ထွက်ခွာဖို့ ရည်ရွယ်ထားခြင်း မရှိကြောင်း ရှင်းရှင်းလင်းလင်း ပြောကြားခဲ့ပါတယ်။
အာဆင်နယ် နည်းပြ မီခဲလ် အာတေးတား ကတော့ ကွင်းလယ်လူ ဒီကလန် ရိုက်စ် အနေနဲ့ အခုထက် ပိုကောင်းနိုင်သေးတယ်လို့ သုံးသပ်ခဲ့ပါတယ်။ ဇယား ထိပ်ဆုံးမှာ ရှိနေတဲ့ အာဆင်နယ်ဟာ ဒီနေ့မှာ အဆင့် ၂ နေရာက ချဲလ်ဆီးနဲ့ ရင်ဆိုင်ရမှာ ဖြစ်ပြီး ပြိုင်ဘက် ကွင်းလယ်လူ အန်ဇို ဖာနန်ဒက်ဇ်၊ ကိုင်စီဒို တို့နဲ့ မရင်ဆိုင်ရခင်မှာ အာတေးတားက အခုလို ချီးကျူးခဲ့တာ ဖြစ်ပါတယ်။ ဒီကလန် ရိုက်စ်၊ အန်ဇို ဖာနန်ဒက်ဇ်နဲ့ ကိုင်စီဒိုတို့ တစ်ဦးချင်းစီရဲ့ ပြောင်းရွှေ့ကြေးတွေက ဂဏန်း ကိုးလုံး ရှိခဲ့ကာ စုစုပေါင်း ပေါင် သန်း ၃၀၀ ကျော် ရှိနေပြီး လက်ရှိ ပရီးမီးယားလိဂ် အကောင်းဆုံး ကွင်းလယ်လူတွေ အဖြစ် သတ်မှတ်ခံထားရပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
